पांजरपोळमध्ये आज मितीला ४०० च्या आसपास जनावरे आहेत. त्यातील दुध देणाऱ्या जनावरांचे प्रमाण फारच कमी आहे. हे दुध मंदिरामध्ये प्रभुप्रक्षाल करिता तसेच लहान मुलांना दुग्धपानासाठी व आजारी व्यक्तिंना आवश्यकतेनुसार देणेत येते. पांजरपोळची व्यवस्था व येथील जीवदयेच्या कार्याचे स्थानिक नागरीकांकडून कौतुक होत आहे. त्या मुळे त्यांच्या घरी होणाऱ्या लहान मोठ्या शुभ-अशुभ कार्याच्या निमित्ताने संस्थेची आठवण ठेवून त्यांच्या कडून दान प्रवाह चालू असतो. कोल्हापूरात येणाऱ्या जैन मुनि, साधु-साध्वी व हिंदु संत महात्मा पण जीवदयेचे महत्व समजावून नेहमी प्रेरणा करीत असतात. त्या मुळे प्राप्त होणाऱ्या दान प्रवाहाच्या सहयोगाने संस्थेचे काम सहजपणे अविरत चालू आहे.